Ushtruesi i Detyrës së Kryetarit të Organizatës së Veteranëve të Luftës, Faton Klinaku, e ka mohuar se ka kërcënuar me vrasjen e kryeministrit Albin Kurti.
Ai tha se Kosovën e vë para secilit lider politik e ushtarak, e madje edhe para vetes.
“Mes Albinit e Hashimit e Ramushit e Fatonit, mu domethënë personalisht, unë e zgjedhi Kosovën, atdheun”, ka thënë Klinaku për Klan Kosovë.
Klinaku refuzoi ta konsideronte si kërcënim sepse tha që nuk e ka ndërmend ta lëshojë Kosovën, andaj një gjë e tillë nuk mund të ndodhë.
“Pse kërcënim? Për çka kërcënim? Le të konsiderohet qysh do, kjo punë kurrfarë kërcënimi s’ka”.
“As s’e kam ndërmend me e lëshu Kosovën për kërkon, e as s’e kam ndërmend me vra kërkon”.
“Domethënë nuk bëhet asnjana sepse unë Kosovën nuk e lëshoj”.
