Real Madrid kanë përgatitur ofertën e parë për Eden Hazard, të cilën do t’ia ofrojnë skuadrës nga ‘Stamford Bridge’, Chelsea.
‘The Sun’ shkruan se përfaqësues të skuadrës së bardhë kanë qëndruar në Londër, për të diskutuar një marrëveshje të mundshme që dërgon belgun në ‘Santiago Bernabeu’, përcjell ‘lajmi.net’.
‘Los Blancos’ synojnë të bëjnë Eden Hazardin nënshkrimin e dytë për Zinedine Zidanen, pas zyrtarizimit të mbrojtësit të Portos, Eder Militao.
Hazard ka kontratë me Chelsean deri në vitin 2020, dhe deri më tani ka hedhur poshtë dy oferta për rinovimin e kontratës, në pritje të Real Madridit, admirimin për të cilën skuadër nuk e ka fshehur asnjëherë.