Ka disa javë që kirurgët në QKUK po mbajnë grevë.
Kirurgu i përgjithshëm në QKUK, Arbër Morina, tha se dje kanë hyrë në javën e gjashtë të grevës.
“Ne kemi kërkuar që paga të jetë ekuivalente me kryeprokurorët”, tha ai për Radio Televizionin e Kosovës.
Morina bëri me dije se kanë pasur takime, por kirurgët nuk kanë pranuar ofertën .
“Takimi varet prej inicimit të mbledhjes, ne jemi të ftuar të marrim pjesë në ndonjë mbledhje në parlament për të diskutuar për ligjin”, tha ai.
Sipas tij edhe pse ka grevë nuk po pësojnë pacientët e Kosovës që kanë nevojë për ndërhyrje në QKUK.
Ai tha se ky ligj është i pa rregullt.
“Edhe vet qeveria e ka pranuar se ky ligj është i keq”, tha ai.
Ai foli edhe për vështirësitë që kanë kirurgët dhe pacientët.
