Deputeti i Kuvendit të Kosovës, Avdullah Hoti morri pjesë në hapje të Forumit për Transparencë dhe Monitorim Parlamentar në Tajvan, por një gjë e tillë ka zgjuar indinjatën e Ambasadës së Republikës Popullore të Kinës në Beograd.
Në një deklaratë për media, të transmetuar nga mediat serbe, ambasada kineze e akuzon Avdullah Hoti “për mbështetje të hapur të forcave separatiste” në atë që ata vazhdojnë ta quajnë “rajoni kinez” i Tajvanit.
Hoti në Tajvan ka folur kryesisht për arritjet e Kosovës, që nga vitet e 90-ta e deri më sot si një demokraci e re dhe e konsoliduar.
“Ky veprim cenon rëndë sovranitetin kombëtar dhe integritetin territorial të Kinës dhe ndërhyn rëndë në punët e brendshme të Kinës, gjë që pala kineze e kundërshton me vendosmëri. Tajvani është pjesë e pandashme e territorit kinez dhe çështja e Tajvanit është thjesht një çështje e brendshme e Kinës dhe asnjë forcë e jashtme nuk mund të ndërhyjë në të”, thuhet në reagimi e ambasadës kineze ndaj vizitës së Hotit.