Këshilli Gjyqësor i Kosovës (KGjK), ka njoftuar se në takimin e 309-të me radhë, nën udhëheqjen e kryesuesit, Albert Zogaj, ka emëruar dy gjyqtarë në Gjykatën Komerciale.
Sipas njoftimit, anëtarët e Këshillit, në bazë të raportit të Komisionit për vlerësimin e kandidatëve për gjyqtar, kanë emëruar Vera Gashi – Bala, gjyqtare në Gjykatën Themelore në Prizren, dega në Suharekë, në pozitën gjyqtare në Dhomat e shkallës së parë të Gjykatës Komerciale si dhe Arben Toska, gjyqtar në Gjykatën Themelore në Ferizaj, dega në Kaçanik, në pozitën gjyqtar në Dhomat e shkallës së parë të Gjykatës Komerciale.
“Mandati i gjyqtarëve fillon nga data 1 qershor 2023”, thuhet në kumtesën e KGjK-së.
