Misioni i NATO-s në Kosovë, KFOR-i, e ka cilësuar si të dhunshme hyrjen e tre kryetarëve në ndërtesat e komunave.
Sipas tyre, kjo situatë është jashtëzakonisht e rrezikshme për procesin e normalizimit dhe rrezikon përshkallëzimin e mëtejmë të tensioneve.
“Misioni i KFOR-it i udhëhequr nga NATO po monitoron nga afër situatën në veri të Kosovës dhe dënon të gjitha aktet e njëanshme që rrezikojnë përshkallëzimin e mëtejshëm të tensioneve. Prioriteti ynë i parë mbetet sigurimi i një mjedisi të sigurt, në përputhje me mandatin tonë të Këshillit të Sigurimit të OKB-së” thuhet në reagimin e KFOR-it.
KFOR ka monitoruar edhe dje veriun, me rastin e betimit të kryetarëve të rinj.
