Arrorët konsiderohen si një prej ushqimeve më të shëndetshme për organizmin e njeriut.
Nëse ato konsumohen sicc duhet dhe në sasinë e duhur, ato mund të ndihmojnë në ruajtjen e një peshe të shëndetshme por nëse nuk ruhen ekuilibrat, ato mund të bëhen armiku më i madh.
Arsyet përse arrorët nxisin shtimin në peshë
Sipas ekspertëve, problemi me arrorët qëndron tek fakti i masës.
Është shumë e lehtë për njeriun që konsumojë arrorë me grushta pa vetëdije dhe pa vëmendje.
Duke qenë se arrorët ofrojnë shumë energji sepse janë të pasur me vitamina, proteinë, fibër dhe yndyrna të shëndetshme, është shumë e lehtë ta teprosh.
Sasia e rekomanduar ditore e arrorëve është një e katërta e një filxhan të madh ccaji. Nëse hani më tepër se kaq, gjasat që të shtoni në peshë janë tepër të mëdha.
Arrorët janë të dendur në kalori dhe sa më shumë të hani prej tyre, aq më shumë kalori do të merrni pa e kuptuar fare. Për më tepër, arrorët mund të shkaktojnë fryrje dhe gazra.
Si të kujdeseni për peshën duke ngrënë arrorë
Qëllimi i këtij artikulli nuk është t’ju mbajë larg arrorëve, përkundrazi. Mënyra më e mirë për të vazhduar konsumin e arrorëve por edhe për tu kujdesur për peshën është të numëroni, ose të jini të vëmendshëm ndaj racioneve.
Racionin e arrorëve të zgjedhur mund ta ndani në racione më të vogla që të konsumoni gjatë ditës. Por sekreti qëndron tek ekuilibri. Nëse ju keni ngrënë arrorë në mëngjes, atëherë duhet të tregoheni dorështrënguar në vaktet e tjera.
Nga ana tjetër, zgjidhni arrorë jo të ëmbëlsuar apo të kriposur sepse ato kanë më pak vlera dhe më shumë kalori. Si në çdo gjë tjetër në jetë, ekuilibri është i rëndësishëm edhe për arrorët.
Mjafton të mos e teproni me arrorët dhe do të vëreni sa shumë do ju ndihmojnë ato të arrini objektivat tuaja.
