Partia Demokratike e Kosovës ka dorëzuar në KQZ emrat e katër kandidatëve për për të garuar në zgjedhjet e jashtëzakonshme për kryetar të katër komunave në veri të Kosovës: Mitrovicë e Veriut, Zveçan, Leposaviq dhe Zubin Potok.
Burime të Demokracia.com bëjnë me dije se emrat e kandidatëve të përzgjedhur të PDK-së për të garuar në këtë pjesë të Kosovës tashmë kanë shkuar në zyrat e KQZ-së.
Sipas kësaj partie, për Mitrovicë e Veriut kandidat është Taulant Kelmendi, Leposaviq – Albulena Behluli Hetemi, Zubin Potok – Izmir Zeqiri dhe në Zveçan – Ilir Peci.
Afati për të paraqitur emrat e kandidatëve të tyre është shtyrë nga KQZ-së deri më 25 nëntor 2022.
