Gazeta Sinjali raportoi pak më parë se tre zyrtarë policorë janë sulmuar sot në rrugën “Sheh Emini” në Prizren, teksa ishin në ndjekje të një personi i cili dyshohej se po përdonte substanca narkotike.
Tre zyrtarët policorë u sulmuan në një kafiteri në Prizren, pasi i dyshuari gjatë ikjes ishte futur në lokal dhe së bashku me punonjësit e lokalit më pas kanosën ata.
Si pasojë e kësaj, i dyshuari i kërkuar si dhe tre të dyshuarit e tjerë që sulmuan policët janë arrestuar.
Sinjali mëson se emrat e tre të dyshuarve janë Krenar Krasniqi, Kreshnik Krasniqi dhe Adem Shabanaj.
Ndërkohë Sinjali poashtu mëson se i dyshuari për përdorim të substancave narkotike është Lendrit Kryeziu.
Pas intervistimit, tre të dyshuarit me urdhër të prokurorit janë ndaluar për 48 orë ndërsa i dyshuari për posedim të substancave narkotike është liruar me procedurë të rregullt.
