Jetlir Zyberaj, këshilltar i ish- Ministrit të Jashtëm, Behgjet Pacolli, përmes një postimi të bërë në Facebook, ka folur rreth ardhjes së shefit të tij nga Zvicra me aeroplan privat.
Ai ka sqaruar se Pacolli ka respektuar rregullat e autoriteteve zvicerane, derisa nëse kthehet, ai vjen direkt nga shtëpia e tij me avion privat, e që karantina në konvikt studentor është një model kinez sipas tij.
Ky është postimi i plotë:
z.Behgjet Pacolli ka respektuar rreptësisht rregullat e autoriteteve zvicerane dhe ka qëndruar në shtëpinë e tij në Lugano në mbyllje në javët e fundit që nga shpërthimi i virusit. Ai nëse vjen, vjen direkt nga shtëpia e tij, me avion privat duke respektuar rregullat e udhëzuara në Zvicër.
Si del se autoritetet e Kosovës nuk kanë besim në rregullat e zbatuara nga autoritetet zvicerane?.
Ideja për karantinë në një konvikt studentor është një model kinez që nuk është aplikuar në vendet e përparuara të Evropës.
