Këshilli i Ambasadorëve të Kosovës në mbledhjen e mbajtur më 6 tetor 2023 e zgjodhi njëzëri Kryetar të Këshillit Ambasadorin Avni Spahiu, bëhet e ditur në njoftim të tyre.
Në këtë mbledhje të Këshillit të Ambasadorëve janë zgjedhur edhe anëtarët e Bordit të Drejtorëve që përbëhet nga nëntë anëtarë Ambasadorët Bekim Sejdiu, Bernard Nikaj, Leon Malazogu, Lulzim Peci, Muhamet Hamiti, Nazane Breca, Qëndrim Gashi, Vjosa Dobruna, dhe Zana Zeqiri Rudi.
Njoftimi i plotë i Këshillit të Ambasadorëve të Kosovës
Këshilli i Ambasadorëve të Kosovës i zgjedh organet udhëheqëse
Këshilli i Ambasadorëve të Kosovës në mbledhjen e mbajtur më 6 tetor 2023 e zgjodhi njëzëri Kryetar të Këshillit Ambasadorin Avni Spahiu.
Z. Spahiu ka qenë ambasadori i parë i dekretuar i Republikës së Kosovës dhe njëkohësisht ambasadori i parë në Shtetet e Bashkuara të Amerikës. Më pas, ai shërbeu Ambasador i Kosovës në Turqi, si dhe ambasador jorezident në Jordani dhe Pakistan.
Në atë mbledhje të Këshillit të Ambasadorëve të Kosovës u zgjodhën edhe anëtarët e Bordit të Drejtorëve, i përbërë nga nëntë anëtarë: Ambasadorët Bekim Sejdiu, Bernard Nikaj, Leon Malazogu, Lulzim Peci, Muhamet Hamiti, Nazane Breca, Qëndrim Gashi, Vjosa Dobruna, dhe Zana Zeqiri Rudi.
Më datën 16 tetor 2023, Bordi i Drejtorëve i Këshillit mbajti mbledhjen e parë dhe po ashtu njëzëri e zgjodhi Ambasadorin Qëndrim Gashi Kryesues të Bordit. Z. Gashi ka shërbyer Ambasador i Republikës së Kosovës në Francë, si dhe ka qenë ambasador jorezident në Portugali, Monako dhe Andorrë.