Kuvendi komunal i Mitrovicës së Veriut sot ka marrë vendim, për lirimin e urës së Ibrit për qarkullimin e automjeteve dhe lëvizje të lirë, pas një kohe të gjatë.
Pas lajmit për lirimin e urës së Ibrit për qarkullim, ka reaguar Lista Serbe, e cila ka kërcënuar se nëse kjo ndodh do të ketë incidente
Në një reagim të lëshuar, nga kjo parti e kanë quajtur vendimin që u mor me shumicë votash si “jolegjitim” dhe në kundërshtim me marrëveshjet e arritura në Bruksel.
“Lista Serbe dënon ashpër vendimin e kundërligjshëm dhe jolegjitim të shumicës së paligjshme dhe jolegjitime parlamentare në Mitrovicën e Veriut për hapjen e urës kryesore të qytetit për qarkullimin motorik, gjë që shkel marrëveshjet e Brukselit dhe kërcënon drejtpërdrejt paqen në këtë zonë. Duam të paralajmërojmë se hapja e mundshme e urës padyshim që do të rezultojë me incidente në këtë zonë, gjë që duket se është edhe qëllimi i Prishtinës”, thuhet në reagim.