Shefi i Grupit Parlamentar të Partisë Demokratike të Kosovës, Abelard Tahiri ka kritikuar qeverisjen e Albin Kurtit.
“I keni vjedh mbi 100 milionë euro me Martin Berishajn. Ka abuzime të jashtëzakonshme në Ministri. Ja keni shkurtu buxhetin Prokurorisë së Shtetit. Jeni duke i gjymtu institucionet e drejtësisë”, tha Tahiri në Kuvend.
“Kurrë nuk është vjedh buxheti i shtetit qysh është vjedh në energji”.
“Për me fol për konfiskim, ajo është marre. Kjo është turp që do t’ju ndjek gjatë juve”, u shpreh ai.
Ministria Rozeta Hajdari, ka reaguar pasi deputeti Abelard Tahiri akuzoi Qeverinë Kurti për vjedhjen e buxhetit të shtetit.
“I nderuar deputet juve duhet me ju ardh turp, turp, turp për shpifjet që po i bënë. Gjejeni evidencën e plotë kur unë diçka kam vjedhë. I pandershëm. Ju keni vendos ligjin për masat e përkohshme për produktet bazë në Gjykatën Kushtetuese. Turpi duhet të ju mbulojë”, tha ministrja Hajdari.
