Ai ka theksuar se është standard i dyfishtë, nëse të njëjtit marrin paga nga taksat e qytetarëve shtetin e të cilëve nuk e njohin.
“Në këtë rast mund të jetë në rregull nëse Visari e Donika mendojnë se shteti i Kosovës nuk duhet të ekzistojë, ose se simbolet e tij kushtetuese nuk vlejnë. Çka nuk është në rregull është kur të njëjtit marrin pagat nga taksat e qytetarëve të shtetit i cili mendojnë se nuk duhet të ekzistojë!”, ka shkruar Kelmendi në facebook.
Lexo postimin e plotë:
Të kuptohemi:
Kosova pretendon të jetë demokraci.
Në demokraci është normale të ketë individë ose organizata që mendojnë ndryshe.
Në këtë rast mund të jetë në rregull nëse Visari e Donika mendojnë se shteti i Kosovës nuk duhet të ekzistojë, ose se simbolet e tij kushtetuese nuk vlejnë.
Çka nuk është në rregull është kur të njëjtit marrin pagat nga taksat e qytetarëve të shtetit i cili mendojnë se nuk duhet të ekzistojë!
Standard i dyfishtë, fatkeqësisht!
Përndryshe, në traditën e popujve të qytetëruar – ku duam ta shohim edhe popullin shqiptar – është i dinjitetshëm nderimi në raste solemne edhe i himneve të shteteve të tjera (hiq shtetet armike), e lëre më shtetit tënd!
