Kampionja e parë olimpike e Kosovës, Majlinda Kelmendi, ka thënë se ishte e pikëlluar pas humbjes në finale të Distria Krasniqit.
Ajo tha asaj i shkuan edhe lotët.
”Kam qenë 1 milion për qind e sigurt që ka me mposhtur. Kemi qenë në disa përgatitje këtë vit dhe Distria jo që e mposhte në stërvitje, por thjeshtë luante si maca me miun”, tha Kelmendi.
Kelmendi theksoi se prapë është e kënaqur me rezultatin e arritur.
”Në momentin kur përfundoi lufta, e kam pasur ashtu ”një shok të vogël”, por prapëseprapë medalja është medalje përderisa je në podium, ngjyra e medalje nuk luan shumë rol se çfarë është”, tha medalistja e artë e Lojërave Olimpike në Rio.
Distria Krasniqi, mori medaljen e argjendtë në këto Lojëra Olimpike.
Ajo u mposht nga uzbekja Diyora Keldiyorova.
Kjo është hera e dytë që 28 vjeçarja nga Kosova e fiton një medalje në olimpiadë.
Krasniqi në lojërat e kaluara në Tokyo arriti të shpallej kampione olimpike pasi e mori të artën.
