Keisi Medini u kthye në një prej personazheve më të komentuar në media e rrjete sociale, pas hyrjes së saj në “Big Brother VIP” dhe ‘zhurmave’ që bëri gjatë edicionit.
Në reality-show, ajo i tregoi të gjithëve marrëdhënien e ngushtë që ka me babain e saj, Sabianin.
Megjithëse prindërit e saj janë të ndarë, Keisi vazhdon të jetë një vajzë e lumtur. Megjithatë, kur ka njohur për herë të parë partneren e re të Sabianit, s’ka qenë kështu.
Në emisionin “Kepi i Vipave”, ajo ka treguar se bota e saj i është shembur kur ka njohur partneren e re të babit, me të cilën sot s’ka asnjë lloj komunikimi.
Duket se ajo nuk e ka qejf, megjithëse ajo është mamaja e vëllait të Keisit, Enesit.
“Në fillim ishte pak e sikletshme. Isha shumë e lumtur dhe e gjithë bota ime ra poshtë, më erdhi pak papritur. Janë disa situata në jetën time që i kam kaluar, më kanë bërë më të fortë, më kanë rritur më shumë…” , ka treguar ndër të tjera Keisi.
