Rreth një javë pasi morën lajmin nga Gjykata Themelore që ua njihte të drejtën e tyre për kthim në vendin e tyre të punës, punëtorët e KEDS’it kanë marrë edhe një lajm tjetër.
Gjykata e Apelit ka kundërshtuar kërkesën e KEDS’it për të shtyrë vendimin e Inspektoratit të Punës, me të cilin urdhërohej kthimi i mbi 90 punëtorëve në vendin e tyre të punës.
Me vendimin e nxjerrë, Apeli e ka njohur aktvendimin e Themelores të nxjerrë më 30 dhjetor të vitit të kaluar.
Madje sindikalistët thonë se takimi i paraparë të mbahej me menaxhmentin këtë të hënë u anulua nga këta të fundit që sipas tyre, ndodhi posa morën njoftimin për vendimin e nxjerrë nga Apeli.
Pajaziti ka thënë se përpos Inspektoratit të Punës dhe gjykatave që po i mbrojnë punëtorët, institucionet e tjera as që janë interesuar për rastin e tyre.
Kjo sindikatë është ende e interesuar që të gjejë një zgjidhje paqësore me menaxhmentin rreth kthimit të punëtorëve në vendet e tyre të punës, por nëse menaxhmenti nuk ndërmerr veprime, atëherë sindikata do të ndryshojë strategjinë e saj.
Në KEDS kanë vazhduar heshtjen karshi këtyre vendimeve.
