Gjykata Themelore e Prizrenit ka dënuar me katër vjet e tre muaj burgim personin me inicialet F.S., pasi e ka shpallur fajtor për kryerjen e veprës penale të shkaktimit të rrezikut të përgjithshëm.
Ai ishte akuzuar nga Prokuroria e Shtetit për sulmin me eksploziv në oborrin e shtëpisë së të dëmtuarit I.S., me ç’rast ishin dëmtuar disa shtëpi, shkruan sot Koha Ditore.
“Gjykata Themelore e Prizrenit shpalli aktgjykimin dënues prej katër vjet e tre muaj burgim efektiv ndaj të akuzuarit nga Prizreni me iniciale F.S. për veprën penale shkaktim i rrezikut të përgjithshëm, nga neni 291, paragrafi 5 lidhur me paragrafin 1 të KPK-së”, ka thënë zëdhënësja e kësaj gjykate, Afërdita Kicaj.
