Pas Haxhi Hotit, ish-kandidatit për deputet të Nismës Socialdemokrate, që kërcënoi me jetë liderin e Lëvizjes Vetëvendosje, Albin Kurti, një tjetër anëtar i partisë së Fatmir Limajt ka marrë vëmendje për gjuhë banale të përdorur në rrjetin social Facebook.
Tasim Halabaku, ish-kandidati për deputet të Nismës Socialdemokrate, ka përdorur gjuhë skajshmërisht banale ndaj kryetarit të Komunës së Gjilanit, Lutfi Hazirit, në rrjetin social Facebook.
“Mos ha m** Luto”, ka shkruar anëtari i Nismës nga Komuna e Vitisë, në një koment gjatë një emisioni ku po fliste nënkryetari i LDK-së.
Katër ditë më parë, anëtari tjetër i Nismës, Haxhi Hoti ka kërcënuar me jetë Albin Kurtin, liderin e Lëvizjes Vetëvendosje.
Ai, në një koment në Facebook, ka shkruar se “Albin Kurti duhet ta lëshojë Kosovë, ose do të vritet”.
Më pas kandidati për deputet i Nismës e ka fshirë shkrimin, duke thënë se gjithçka ka qenë një gabim teknik. I njëjti ka kërkuar edhe publikisht falje.
Por, ai është arrestuar nga Policia e Kosovës po atë ditë, të dielën.
