Deputeti i vetëm shqiptar në Parlamentin e Serbisë, Shaip Kamberi, ka folur mbrëmë për sulmin terrorist të grupit të armatosur serb ndaj Policisë së Kosovës në Banjskë të Zveçanit, ku mbeti i vrarë rreshteri policor, Afrim Bunjaku.
Kamberi ka thënë se sulmi nuk ka mundur të ndodh pa dijen dhe bekimin e presidentit serb, Aleksandar Vuçiq.
Ai tha për RTK-në se Serbia është vend ku bëhet glorifikimi i kriminelëve të luftës, mohimi i krimeve të luftës, urrejtja e vazhdueshme dhe gjuha e urrejtjes ndaj pakicave ku pakicat nuk kanë hapësirë minimale të ekzistencës.