Amerikanët vendas kanë qenë gjithmonë të lidhur në masë të madhe me Tokën dhe të gjitha krijesat që banojnë në të. Ata gjithashtu besojnë në diçka që quhet një totem i lindjes kafshëve, ose kafsha shpirtërore që ju udhëzon përmes jetës në bazë të datës suaj të lindjes. Këto kafshë mund të tregojnë shumë për personalitetin e dikujt, fatin e jetës dhe aspekte të tjera që lidhen me jetën.
Lundërza 20 Janar – 19 Shkurt
Lundërza ka një personalitet të çuditshëm.Nga ana tjetër, ata gjithashtu shkëlqejnë në zgjidhjen e problemeve dhe kurrë nuk do të heqin dorë derisa të kenë një përgjigje.Për shumë kënd, këta persona janë të vështirë për tu kuptuar, por kjo nuk i shqetëson ata. Ata e shohin botën përmes një lente unike dhe nuk kujdesen për atë që dikush tjetër mendon për ta. Janë persona që e duan lirinë,aventurat, janë të butë dhe empatik.
Ujku 20 Shkurt – 19 Mars
Ujku është kafshë e ndërlikuar. Është misterioz, i pëlqen të rrijë dhe të shikojë botën rreth vetës, thjeshtë vëzhgon dhe krijon përcpetime. Ata e kanë të vështirë të afrohen me të tjerët dhe tentojnë të fshehin emocionet e tyre. Ata duan tu tregojnë njerëzve vetëm pjesë të caktuara të vetes, aq sa ndihen rehat, aspak më shumë. Janë shumë kreativ, inteligjent dhe artistik.
Skifteri 20 Mars – 19 Prill
Kjo kafshë përfshinë të lindurit në shenjën e dashit, një shenjë e zjarrtë, e pavarur, dominuese. Skifterave u pëlqen të mbikëqyrin situata, duke e udhëhequr rrugën gjithë kohën. Atyre nuk u pëlqen të kontrollohen apo të vëzhgohen përreth, në veçanti kur dikush tenton ti zbutë ata.
Kastori 20 Prill – 20 Maj
Kastori posedon një etikë të fortë pune, duke mos heqë dorë nga asnjë punë që e ka marrë përsipër. Megjithatë, ata mund të jenë kokëfortë dhe mos të dëgjojnë të këshillat e të tjerëve në raste të caktuara. Ata janë njerëz besnikë dhe të ndershëm dhe gjithmonë mund të mbështeteni tek ata.
Dreri 21 Maj- 20 Qershor
Dreri është i dëgjueshëm, i shoqërueshëm dhe shumë i pëlqyer nga të tjerët.
Ata lëvizin shpejt, kurrë nuk ndalen derisa të arrijnë destinacionin e tyre. Dreri është i dashur dhe zemërmirë, por gjithashtu mund të ketë një personalitet krejtësisht të kundërt. Shpesh dëshiron të jetë i vetëm.
Qukapiku 21 Qershor – 21 Korrik
Qëndrueshmëria, përkushtimi dhe guximi janë vetëm disa fjalë që vijnë në shprehje kur përshkruhet qukapiku. Ata mund të jenë të vegjël, por kanë zemër të madhe. Qukapikët me prezencën e tyre vërehen kudo dhe nuk janë aspak arrogant. Ata janë të butë, të kujdesshëm dhe gjithmonë të gatshëm për të ndihmuar të tjerët. Megjithatë, kur njerëzit nuk i përmbushin pritjet e tyre, ata mund të lëndohen lehtë.
Salmoni 22 Korrik – 21 Gusht
Salmoni ka një personalitet të madh dhe ndriçon sa herë shfaqet diku. Janë shumë të talentuar, inteligjent dhe të shoqërueshëm. Ju që i përkisni këtyre datave të lindjes, keni qëllime dhe ëndrra të mëdha.
Ariu 22 Gusht – 21 Shtator
Ju jeni person logjik, analizues dhe i drejtpërdrejtë. Jeni person që personifikoni trimëri dhe fuqi. Po ashtu ju keni durim të madh pa marrë parasysh së për çfarë bëhet fjalë.
Korbi 22 Shtator – 22 Tetor
Korbi e ka aftësinë për të krijuar një ekuilibër të përsosur në jetë dhe për këtë arsye ndihmon dhe të tjerët për tu balancuar. Ata nuk tolerojnë padrejtësi ose ngacmime. Gjithmonë kërkojnë që e drejta të triumfojë.
Gjarpri 23 Tetor – 22 Nëntor
Gjarpërinjtë mund të kenë një reputacion të keq, por mos i gjykoni ata para se të njihni ato. Ata mund të duken të përmbajtur dhe të poshtër, por ata kanë zemër të madhe. Ju vetëm duhet të dini se si t’ju qaseni për ti kuptuar. Ata janë shumë të ndjeshëm, njerëz krijues, por ata dinë të hakmerren keq, kur dikush i ka lënduar.
Bufi 23 Nëntor – 21 Dhjetor
Bufat kanë personalitet kontrovers. Ata posedojnë urtësi, forcë dhe durim të madh, por dinë të jenë edhe të paqëndrueshëm. Kur ju humbë durimi, prej tyre mund të prisni çdo gjë. Ata janë seriozë, të ngrohtë dhe miqësor.
Pata 22 Dhjetor- 19 Janar
Të lindurit në këto data përkushtohen aq shumë në punë saqë mund të lenë aspekte tjera të rëndësishme të jetës pas dore. Ata nuk lëkunden lehtësisht nga opinionet e njerëzve të tjerë, por gëzojnë përpjekjen për të bindur njerëzit e tjerë që të pranojnë dhe besojnë të tyrin. Një prej frikës së tyre më të madhe në jetë është dështimi, kështu që ata zhyten në punën e tyre për të siguruar që kjo të mos ndodhë.