Kryetari i Kuvendit të Kosovës, njëherësh lider i PDK-së Kadri Veseli, ka paralajmëruar nga sot nisjen e turit të ri, ndërsa për këtë fazë ai ka paralajmëruar takime me ekspertë.
Veseli ka shkruar në Facebook se në turin e ri do të bashkëbisedojë me ekspertë të fushave të ndryshme për të gjetur zgjidhje për problemet të cilat i preokupojnë qytetarët e Kosovës.
“Të dashur miq, pas turit tim të parë gjatë të cilit dëgjova mijëra bashkëqytetarë, sot së bashku fillojmë turin e konsultimit me ekspertë të fushave, për të gjetur zgjidhjet e duhura për problemet të cilat na preokupojnë të gjithëve.Sot do të bashkëbisedoj me ekspertë të ekonomisë, në kërkim të zgjidhjes së problemit të papunësisë në vendin tonë. Ju ftoj të më bashkoheni”, ka shkruar Veseli në profilin e tij në Facebook.
