Policia e Kosovës ka njoftuar se është arrestuar një i mitur pasi që nga policia i është gjetur 12 qese te vogla të dyshuara me substancë narkotike.
Rasti ka ndodhur në Kaçanik.
“Është arrestuar i dyshuari mashkull kosovar, i moshës së mitur pasi që tek i njëjti janë gjet dhe konfiskuar 12 qese te vogla rreth 10 gr të mbushura me substancë të dyshuar narkotike të llojit marihuanë’’, njoftoj policia.
Policia ka kryer bastisje edhe në shtëpinë e të dyshuarit.
“Me urdhër të prokurorit është bërë bastisja e shtëpisë së të dyshuarit ku në dhomën e tij është gjet një gjysmë cigare e mbushur me substancë të dyshuar narkotike dhe 27 euro të cilat janë sekuestruar si provë materiale. Me vendim të prokurorit i dyshuari dërgohet në mbajtje”, njoftoj policia.