Gjatë ditës së sotme ishte raportuar se Presidenca e Bosnjës dhe Hercegovinës ka votuar kundër njohjes së Kosovës, mirëpo nga kabineti i anëtarit kroat të Presidencës, Zhelko Komshiq, kanë mohuar një gjë të tillë.
Zyrtarë të kabinetit të Komshiq kanë konfirmuar se një informacion i tillë nuk është i saktë, dhe se mbeten thjesht spekulime.
“Srna ka publikuar lajmin se në seancën e sotme anëtarët e Presidencës së BeH, Shefik Xhaferoviq dhe Zhelko Komshiq së bashku me anëtarin tjetër Millorad Dodik, kanë votuar kundër njohjes së Kosovës”, thuhet në kumtesën e kabinetit të kroatit Komshiq.
Lajmin e ka konfirmuar edhe këshilltari për media i Komshiqit, Nihad Hebiboviq, i cili theksoi nuk është votuar fare për njohjen e Kosovës gjatë seancës së sotme.
