Juventusi ka reaguar pas vendimit nga Gjykata Federale e Apelit në Itali.
Kjo Gjykatë e dënoi sot klubin italian me heqje të dhjetë pikëve, shkruan Gazeta Express.
Juventusi tani do të duhet të presë arsyet nga Gjykata Federale e Apelit, që mund të arrijnë në fund të majit, në mënyrë që ata të mund të apelojnë në Bordin e Garancive të CONI-t.
“Klubi i Futbollit Juventus merr parasysh atë që u vendos pak më parë nga Gjykata e Apelit FIGC dhe rezervon të drejtën të lexojë arsyet për të vlerësuar një apelim të mundshëm në Bordin e Garancive në CONI. Ajo që u vërtetua nga niveli i pestë i gjykimit për këtë çështje, e cila filloi më shumë se një vit më parë, ngjall hidhërim të madh në klub dhe në miliona mbështetës të tij, të cilët në mungesë të rregullave të qarta, e gjejnë veten jashtëzakonisht të penalizuar me zbatimin e sanksionet të cilat duket se marrin parasysh parimin e proporcionalitetit. Duke mos anashkaluar nevojën e shpejtësisë, së cilës Juventusi nuk i është shmangur asnjëherë gjatë procesit, theksohet se këto janë fakte që ende duhet të gjykohen nga gjyqtari natyral”, thuhet në reagimin e “Zonjës së Vjetër”.
