Trajneri gjerman, Jurgen Klopp u largua nga Liverpooli pas më shumë se tetë sezone e gjysmë në krye të “The Reds”.
Pas ndeshjes së fundit me Liverpoolin, Klopp në konferencën për shtyp në “Anfield” tha se mund të mos jetë trajner i futbollit më.
“Nuk e di saktësisht pse askush nuk beson se ndoshta nuk do të jem më trajner. Por e kuptoj sepse duket qartë se është një drogë. Duket kështu sepse të gjithë kthehen dhe të gjithë punojnë deri në moshën 70-vjeçare”, u tha Klopp gazetarëve.
Kujtojmë se, Klopp tha në fillim të këtij viti se ai kishte në plan të kthehej sërish në sferën e futbollit në një moment të jetës, por nuk do të drejtonte një klub tjetër në Angli.
Trajneri veteran i udhëhoqi “Të kuqtë” në Ligën e Kampionëve, Kupën e Botës për Klube, UEFA Superkupën, FA Cup dhe titujt e Kupës EFL, përveç titutllit të tyre në Premier League.