Kryeministri i Britanisë së Madhe, Boris Johnson, e ka krahasuar presidentin e Rusisë, Vladimir Putin, me ish-presidentin e Jugosllavisë, Sllobodan Millosheviq, i cili dhe njihej si kasapi i Ballkanit.
Këtë e ka bërë sot Boris Johnson, gjatë një fjalimi në një seancë të jashtëzakonshme në parlamentin e tyre lidhur me situatën në Ukrainë, pas sulmeve ruse.
“Ajo çka po bën Putini është e njëjtë me atë që ka bërë Slobodan Milosheviqi në Kosovë, i njëjti agresion, dhe mos harroni se Milosheviqi ka vdekur derisa po gjykohej”, ka thënë Johnsoni, gjatë kohës kur po i paraqiste para Parlamentit sanksionet e Britanisë së Madhe ndaj Rusisë, për shkak të sulmeve të saj ndaj Ukrainës, të cilat kanë nisur mëngjesin e së enjtes.
