Kriza e grurit e shkaktuar nga lufta ruse e agresionit në Ukrainë mund të jetë afër zgjidhjes, sipas ministrit të Jashtëm ukrainas Dmytro Kuleba.
“Jemi dy hapa larg një marrëveshjeje me Rusinë”, siguroi Kuleba në një intervistë për gazetën spanjolle “El País”.
Përfaqësuesit e Moskës, Kievit, Ankarasë dhe Kombeve të Bashkuara do të takohen në Turqi sot pasdite për të zgjidhur mosmarrëveshjen mbi eksportet e grurit nga Ukraina.
Rusia akuzohet për bllokimin e eksporteve të grurit të Ukrainës.
“Jemi në fazën përfundimtare të negociatave dhe gjithçka tani varet nga Rusia. Nëse ata e duan vërtet, eksportet e grurit do të fillojnë së shpejti. Ne do të përpiqemi të eliminojmë të gjitha shqetësimet e sigurisë” ka thënë Kuleba.
