Anëtari i familjes Jashari, Bekim Jashari, në ditën e dytë të Epopesë së UÇK-së, ka kujtuar sakrificën sublime të familjes, duke thënë se shqiptarët kudo që jetojnë asnjëherë nuk e harruan dhe nuk e lanë vetëm këtë familje.
Ish-kryetari i Komunës së Skenderajt në këtë ditë përkujtimore të familjes, tha se janë shqiptarët që asnjëherë nuk i kanë lënë vetëm.
“Duke kujtuar këtë sakrificë që 24 vite më parë ishte po e njëjtë siç tregon Besarta dhe Bashkimi që tani është komandant i FSK -së, ka qenë kohë e njëjtë, po sikur kjo sot që ka filluar sulmet më 5 mars, dhe kanë vazhduar më 6 deri më pasditen e datës 7 në ora 16:00 pasdite, do të thotë 3 ditë luftime. E tërë lagjja Jashari kundër një force absolutisht të pabarabartë, një arsenal i tërë kundër një familje e pas disa ditëve tërë një lagje e sipas dëshmitarëve okularë flitet mbi 15 mijë forca ushtarake policore me një fjalë një arsenal i terë tokësor, përpos atij ajror që është përdorur gjatë këtyre tri ditëve, por që falë sakrificës, edhe pse shkuan shumë bukur shumë…Kështu që nga ajo ditë e sot janë shqiptarët anë e kënd trojeve tona etike por edhe nga diaspora, që nuk na harruan dhe nuk na lanë vetëm asnjëherë si në ditë të mira si në ditë të këqija”, tha ai
Anëtari i kësaj familje ka bërë homazhe së bashku me qytetarë të shumtë.
