Kryesindikalisti Rrahman Jasharaj është deklaruar sot në një konferencë të jashtëzakonshme për media.
Ai tha se “greva nuk po mbyllet, por po pezullohet deri në janarin e vitit 2023”.
“Shpallin pezullimin e grevës deri në janar 2023. Uroj që Qeveria ta ketë marrë një mesazh. E gjithë kjo ka ndodhur nga kryeneçësia. Po e bëjmë për hirë të nxënësve. Por edhe qeveria t’i ketë parasysh kërkesat. Greva nuk po mbyllet, por do të pezullohet deri në janar të 2023-ës. Uroj që kjo të mbyllet me dialog të mirëfilltë nga Qeveria. Sepse janari i vitit 2021 vjen shpejt”, tha Jasharaj.
Jasharaj u deklarua edhe për ata që fyen dhe linçuan. Ai tha se kjo mbetet në fytyrën e tyre.
“Qeveria në vend se të dërgojë optimizëm, por reagoj me fyerje. Falendëroj prindërit dhe qytetarët që dhanë vlerësime për grevën. Ata që na fyen dhe linçuan le të mbetet në fytyrën e tyre. Uroj që qeveria të nxjerr mësime nga kjo Grevë. Si Këshill Grevist i BSPK-së, SBASHK-ut dhe administratës dhe jemi të obliguar të veprojmë sipas vullnetit të shumicës”, ka thënë Jasharaj.
