Që nga viti 2007 e deri në vitin 2017, numri i ministrave, zëvendësministrave është rritur dyqind për qind.
Kjo shihet në një infografikë që e ka përgatitur organizata D4D, e cila do të bëhet publike nesër.
Në qeverinë që ka drejtuar kryeministri Hashim Thaçi nga viti 2007-2010 kanë qenë 32 dikastere, 2 zëvendëskryeministra, 15 ministra njëra nga ta grua, 15 zëvendësministra, dy prej tyre gra.
Ndërsa, në Qeverinë Thaçi 2, ishin 5 zëvendëskryeministra, 18 ministra, dy prej tyre gra, ndërsa zëvendësministrat nuk janë të paraqitur.
Rritje e madhe e dikastereve dhje posteve politike sidomos të zëvendësministrat ishin rritur në Qeverinë e Isa Mustafës, pasi numri kishte arritur në 68. Qeveria Mustafa kishte 3 zëvendëskryeministra, 21 ministra, dy prej tyre gra dhe 45 zëvendësministra, 6 prej tyre gra.
Numri enorm i rritjes së kabinetit qeveritar u bë në Qeverinë aktuale të udhëhequr nga Ramush Haradinaj. Numri i kabinetit qeveritar ka shkuar në 93, 5 zëvendëskryeministra, 21 ministra, dy prej tyre gra dhe 70 zëvendësministra, 5 prej tyre gra.
