Ndeshja miqësore e Kosovës me Bregun e Fildishtë që do zhvillohej më 2 qershor është anuluar.
Lajmin e ka konfirmuar nënkryetari i Federatës së Futbollit të Kosovës, Agim Ademi.
“Po, është anuluar ndeshja. Ata kanë kërkuar falje për këtë, duke treguar se kanë probleme të brendshme dhe se nuk mund të zhvillojnë këtë miqësore”, tha Ademi, transmeton Albeu.
Ai zbuloi se janë duke u munduar që të gjejnë sa më parë një kundërshtar, duke përmendur disa emra.
“Organizatorët po bëjnë të pamundurën të gjejnë një kundërshtar, skuadrat e mundshme janë Kongo, Moldavia dhe Irani”, shtoi Ademi
