Rasti i Granit Xhakës dhe Kosovës tregon se në çfarë presioni janë qytetarët, edhe pse tashmë Xhaka e bërë zgjedhjen e tij, por kjo nuk ka të bëjë vetëm me Zvicër.
Në maj FIFA e kishte përfshirë Kosovën si anëtaren e saj të 210-të. Pas këtij vendimi ishte e qartë se Kosova do të marrë pjesë në kualifikimet e Kupës së Botës. Kosova bën pjesë në Grupin I, së bashku me Kroacinë, Islandën, Finlandën, Ukrainën dhe Turqinë.
Në FIFA gjithashtu është e përcaktuar se lojtarët që kanë rrënjë nga Kosova ka të ngjarë që mund të ndryshojnë kombëtaren, edhe nëse kjo dëmton skuadrat e tjera, shkruan “20min.ch”.
Në ndeshjen e parë kundër Finlandës askush nuk e di se kush do të luajë për Kosovën. Atje janë të grumbulluar Fanol Përdedaj (1860 Munich), Besar Halimi (Mainz), Samir Ujkani (Pisa), Enis Alushi (St. Pauli) dhe Bersant Celina (Manchester City). Por në të ardhmen?
Në teori kjo do të thotë se Kosova mund të krijojë një ekip të fortë konkurrues dhe të formojë një bazë të fortë. 24 futbollistë kosovarë janë që luajnë në gjashtë kombëtare të tjera.
Rreziku më i madh është për Shqipërinë. Në Kampionatin Evropian udhëtoi me 14 futbollistë nga Kosova. Por, disa kanë ndryshuar të ardhmen, si Alban Meha, Besart Berisha, Milot Rashica, Amir Rrahmani dhe Herolind Shala. Rashica u quajt tradhtar në Shqipëri.
Shqipëria në radhët e saj ka edhe lojtarë me dy nënshtetësi, por që nuk i kanë ndryshuar qëndrimet e tyre, si Amir Abrashi (Freiburg), Taulant Xhaka, (FC Basel), Donis Avdijaj (Schalke dhe Sturm Graz), Albion Avdijaj (Vaduz), Dren Feka (HSV), por edhe ylli Lorik Cana (Nantes) e portieri Ertrit Berisha (Atalanta), kanë qëndruar besnik. Edhe Mërgim Mavraj (Cologne) ishte kundër që t’i bashkohet Kosovës. Atmosfera në mes të Shqipërisë dhe Kosovës është e nxehtë.
Edhe Belgjika, Norvegjia, Suedia, Mali i Zi, Finlanda dhe Zvicra janë të prekur nga ky fenomen. Kosova ka treguar interes për Adnan Januzajn e Belgjikës. Veton dhe Valon Berisha luanin për Norvegjinë, por Valoni vendosi t’i bashkohet Kosovës. Kosovës iu bashkua edhe Arbër Zeneli i Suedisë, derisa Përparim Hetemaj luan te Finlanda.
Nuk është aspak çudi që Kosova shpresonte edhe te yjet e Zvicrës, si Valon Behrami, Granit Xhaka, Xherdan Shaqiri dhe Shani Tarashaj.
