Një këshilltar i lartë i kryeministrit izraelitm Benjamin Netanyahu ka thënë se Izraeli do të “lehtësojë mbështetjen humanitare” për të hyrë në Gaza ndërsa luftimet rinisin.
Duke folur në një konferencë për shtyp, Mark Regev tha se Izraeli “do të bëjë gjithçka që mundet për t’i mbajtur civilët e Gazës jashtë zjarrit” midis IDF-së dhe Hamasit.
Ai gjithashtu u kërkoi organizatave humanitare që të jenë në terren në “zonat e caktuara më të sigurta ku ne presim që civilët të grumbullohen” derisa të mbarojnë luftimet, raporton BBC.
Rreth 50 kamionë që transportonin ndihma hynë në Gaza më herët gjatë ditës së sotme – i pari që nga rënia e marrëveshjes së armëpushimit të premten – por agjencitë e ndihmës kanë paralajmëruar se kjo nuk është e mjaftueshme.
Rreth 200 kamionë në ditë kishin hyrë në javën e armëpushimit. Më parë organizatat humanitare kanë paralajmëruar se më shumë se 100 nevojiten çdo ditë për të mbështetur më shumë se dy milionë njerëz që jetojnë në Gaza.
Izraeli thotë se do të lehtësojë ndihmën për Gazën
