Guvernatori i Bankës Qendrore të Republikës së Kosovës, Ahmet Ismaili, ka zhvilluar një takim me delegacionin e Bankës Evropiane për Rindërtim dhe Zhvillim (BERZH). Ai shprehu vlerësim për mbështetje të vazhdueshme të BERZH-it si për studimin “MREL për regjionin” dhe “Women in Finance Code”.
Ismaili theksoi rëndësinë e programit për ngritjen e kapaciteteve në menaxhimin e rrezikut klimatik, i cili do të nisë vitin e ardhshëm.
Takimi rikonfirmoi përkushtimin e të dyja palëve për të forcuar bashkëpunimin e tyre dhe për të promovuar rritjen e qëndrueshme financiare në vendin tonë, duke siguruar që sektori financiar të vazhdojë të zhvillohet në përputhje me standardet ndërkombëtare.
