Ish-ministri britanik për Evropën në kabinetin e Tony Blairit, Denis MacShane, nëpërmjet një postimi në rrejtin social Twitter ka kritikuar shtetet anëtare të BE-së që nuk e njohin pavarësinë e Kosovës.
Ai i ka reaguar gazetarit Jermy Cliffe, ku ka thënë “Ekziston një rrezik i vërtetë se BE-ja mund të ‘humbasë’ shtetet në skajet e saj lindore nga destabiliteti dhe zhgënjimi, nëse ajo pengon rrugën e tyre drejt anëtarësimit”.
“Jam dakord, por asnjë lob efektiv nuk po e argumenton këtë dhe qeveritë kombëtare bllokojnë shumicën e përpjekjeve – marrëzi surreale nga Spanja, Greqia, Sllovakia, Rumania që Kosova nuk ekziston si shtet i vogël evropian për ta që duhet njohur. Macroni mbështeti linjën tuaj në 2017-ën, por ndërroi mendjen kur u ngrit Le Pen”, i është përgjigjur MacShane në këtë postim.
