Hetuesit e Inspektoratit Policor të Kosovës i kanë rekomanduar policisë suspendimin e një zyrtareje policore në Prishtinë me dyshimin se e njëjta ka kryer veprën penale “kanosje”.
Sipas njoftimit, rekomandimi është bërë bazuar në autorizimet ligjore të IPK-së, në interes të hetimit të rastit.
“ Informacionet e para lidhur me këtë rast hetuesit e IPK-së i kishin pranuar dje në orët e pasdites nga ankuesi fillimisht përmes telefonit”.
“Pas pranimit të informacioneve fillestare hetuesit e IPK-së kanë marrë një deklaratë nga ankuesi i cili ka përshkruar rrethanat e rastit”, thuhet njoftimin e IPK-së, transmeton Klankosova.tv.
Tutje, në njoftim, IPK-ja tha se hetuesit, në koordinim me prokurorin kanë ndërmarrë disa veprime hetimore përderisa rasti vazhdon të trajtohet në procedurë të rregullt.
“Hetuesit e IPK-së pritet të ndërmarrin edhe veprime të tjera hetimore drejt ndriçimit të të gjitha rrethanave të këtij rasti”, thuhet në njoftim.