Për herë të tretë për më pak se dy muaj, Tyrge Borno, do ta vizitojë Kosovën.
Inspektori i UEFA-s, Tyrge Borno, do ta vizitojë Kosovën të premten, për të inspektuar dy stadiumet e futbollit, “Adem Jasharin” në Mitrovicë dhe stadiumin e Prishtinës.
Lajmi për vizitën e inspektorit të shtëpisë së futbollit evropian është konfirmuar për Gazetën Express, nga kreu i Federatës së Futbollit të Kosovës, Fadil Vokrri.
Vokrri bëri të ditur për Express se Inspektori i UEFA-s do të aterojë në Kosovë gjatë pasdites së sotme, derisa të premten do t’i inspektojë dy stadiumet e futbollit, “Adem Jasharin” në Mitrovicë dhe stadiumin e Prishtinës.
Për inspektorin e UEFA-s, do të jetë vizita e tretë për më pak se dy muaj.
Por pavarësisht kësaj, ai do ta gjejë stadiumin “Adem Jashari” në gjendjen që e ka lënë kur ishte për herë të fundit, pasi ende nuk kanë nisur punimet dhe nuk dihet se kur do të nisin.