Mbrëmjen e së dielës një 51-vjeçar në Veri është përballur me disa persona, që ia bllokuan rrugën dhe e sulmuan për ,motive akoma të panjohura.
Të dyshuarit arritën të ikin nga vendi i ngjarjes, ndërkohë që viktima ka përfunduar në spital.
Sinjalizuesi nga Veriu ka bërë me dije se incidenti ka ndodhur në Leposaviq, kur papritmas pesë persona dyshohet se ia zunë pritën viktimës, e të cilit fillimisht ia bllokuan rrugën, e më pas e rrahën fizikisht, duke e goditur me grushte.
I shqetësuar për atë që ndodhi, 51-vjeçari u alivanos dhe nuk arriti t’i identifikojë të dyshuarit, pasi të njëjtit u larguan menjëherë nga vendi i ngjarjes, duke mos lënë gjurmë që mund t’i zbulojnë.
Si pasojë e sulmit fizik, viktima u dërgua menjëherë në spital, ku ka marrë trajtimin mjekësor e më pas është shoqëruar në stacion policor, ku ka dhënë deklaratën e tij lidhur me rastin.
Pas përfundimit të procedurave policore, Prokurori i Shtetit ka urdhëruar inicimin e rastit dhe nisjen e hetimeve për kapjen e të dyshuarve dhe zbardhjen e motiveve./PrishtinaPress/
