Kryetari i Aleancës për Ardhmërinë e Kosovës Ramush Haradinaj, ishte i pranishëm në Konventën Kombëtare të Lëvizjes Socialiste për Integrim ku edhe mbajti një fjalim përshëndetës.
Por një moment i veçantë që është kapur nga kamerat, është momenti i takimit të Haradinaj me kreun e LSI Ilir Meta. Ky i fundit, ka shprehur respektin dhe mirënjohjen për Haradinaj duke e përshëndetur dhe nderuar ish-komandantin legjendar të UÇK-së.
Sakaq, gjatë fjalës së tij Haradinaj vlerësoi progresin e bërë nga LSI gjatë këtyre viteve, duke e cilësuar si një hap përpara dhe shpresë të të gjithë shqiptarëve kudo ku ndodhen.
