Në një debat të organizuar nga Instituti Demokratik i Kosovës në Mitrovicë, deputeti i pavarur Ilir Deda ka thënë se nga shkurti Lista “Alternativa”, do të përfaqësohet në Kuvendin e Kosovës.
“Ka ardhur koha e përfundimit të të qenit deputet i pavarur, ngase nga muaji që vjen do të krijohet Lista “Alternativa”, e cila do të përfaqësohet në Kuvend”, ka thënë Deda në një debat për llogaridhënien me studentë të Universitetit të Mitrovicës “Isa Boletini”.
Deda më parë ka qenë deputet i Lëvizjes “Vetëvendosje”, nga e cila është larguar shkaku i mospajtimit me veprimet politike të saj.
Më herët, ai ka qenë njëri ndër themeluesit e Partisë “Fryma e Re”(FER).
