Ministrja e Punëve të Jashtme e Kosovës, Donika Gërvalla, e ka takuar Sekretarin e Përgjithshëm të NATO-s, Jens Stoltenberg.
Ajo ka konfirmuar se Stoltenberg do të qëndrojë në Kosovë më 1 korrik.
Por, në njoftimin që e ka bërë në Twitter për vizitën e Stoltenberg në Kosovë, ajo në vend të flamurit të NATO-s, e ka përdorur flamurin e OKB-së.
“Takim shumë i përzemërt me Sekretarin e Përgjithshëm, Stoltenberg, ku folëm rreth vizitës së tij në Kosovë që do të bëhet me 1 korrik”, ka shkruar Gërvalla në llogarinë e saj në Twitter.
