Masar Shala kandidat i Lëvizjes Vetëvendosje, ka njoftuar se është larguar nga partia, i zhgënjyer nga rezultati personal zgjedhor.
Të nderuar bashkëqytetarë të mi
Unë Masar Shala, në cilësinë e Kryetarit të fshatit Hoçë e Vogël, deklaroj publikisht para jush se nga sot, 18.10.2021, kam vendos të jap DORËHEQJE të pakthyeshme nga pozita e Kryetarit të fshatit.
Deri tek ky vendim, që për mua ka qenë i papritur dhe aspak i lehtë, kam ardh i shtyrë nga situata e krijuar paszgjedhore, që ka të bëjë me shprehjen e votëbesimit tuaj për zgjedhjen e përfaqësuesve të fshatit për në në Kuvendin Komunal.
Dua ta shpreh publikisht zhgënjimin tim lidhur me rezultatin e përzgjedhjes suaj të përfaqësuesve për në Kuvendin Komunal.
Unë isha njëri nga kandidatët e mundshëm për t’ju përfaqësu juve në Kuvend.
Shumica nga Ju me votën tuaj, të cilën e vlerësoj si një të drejtë legjitime, treguat se nuk e vlerësoni në masë të mjaftueshme angazhimin e mundin tim të pakursyer tash e sa vite.
Shumica nga ju votuat ndryshe, votuat për ata që nuk ishin me ju asnjëherë në asnjë aktivitet dhe as që derdhën asnjë pikë djerse, nuk bënë asnjë hap as për ju as për ineresat e Hoçës së Vogël.
Sido që të jetë, vota juaj e shpreh vullnetin tuaj politik, të cilin unë e pranojë pa mëdyshje.
Të nderuar bashkëvendës të mi Hoçjanë
Gjatë këtyre tre viteve sa e kam ushtruar detyrën e Kryetarit të fshatit jam përpjekur me përkushtim të sinqert e me përgjegjësi të plotë të jem me secilin prej jush për të
përmbushur kërkesat dhe nevojat tonat si komunitet i fshatit.
Me këtë rast, falenderojë përzemërsisht këshillin e fshatit si dhe të gjithë bashkëqytetarët e mi për bashkëpunimin e ndërsjellë gjatë këtyre tre viteve.
Edhepse më jo në përgjegjësinë e Kryetarit të fshatit, si bashkëqytetar i juaj do të jem përsëri me ju, në ditë të mira e në vështirësi, gjithmon për të mirën e njerëzve dhe vendit tim.
