I vrari mbrëmë në Prishtinë, është familjar i ish-kolonelit të Forcave të Sigurisë së Kosovës, Afrim Veselit.
Veseli përmes një reagimi në rrjetin social Facebook shprehet se rruga e tij ishte “shtëpi, punë e xhami”.
“Euu tezak shpirti dritë të baftë. Rruga jote ishte shtëpi punë e xhami. Kur vrasësit vrasin edhe mysafirët në restorant”, shkruan ai.
Dy personat e dyshuar që lanë të plagosur një person ndërsa një tjetër vdiq nga plagët e marra thuhet se kanë qenë të maskuar.
Njëri nga të plagosurit që nuk mundi t’i përballojë plagët dhe ka ndërruar jetë është Naser Gashi 62 vjec, i cili përpos që dyshohet se u qëllua me armë, dyshohet se kishte edhe një therje me thikë në gjoks.
Kurse i plagosuri tjetër që ndodhet në spital është Miftar Miftari, 41 vjeçar. Gjendja e tij është stabile.
I plagosuri është transferuar në Klinikën e Ortopedisë për trajtim të mëtutjeshëm./Paparaci
