Numri i rasteve të dhunës në vendin tonë është në rritje çdo ditë e më shumë.
Çdo ditë gra që përjetojnë dhunë nga familjarët e tyre, kryesisht bashkëshortët, kërkojnë ndihmën e Policisë për të marrë mbrojtje dhe për të zgjidhur problemet.
Një rast i tillë ka ndodhur dje në një familje në Obiliq, ku një person dyshohet se ka ushtruar dhunë psikike e fizike ndaj bashkëshortes së tij.
Sinjali mëson se viktima ka kërkuar ndihmën e Policisë, ku ka deklaruar se bashkëshorti i saj 68-vjeçar, përpos dhunës psikike, e ka sulmuar edhe fizikisht.
Si rezultat i denoncimit, i moshuari është arrestuar dhe është shoqëruar në stacion policor për intervistim.
Me urdhër të prokurorit, i dyshuari është dërguar në mbajtje si i dyshuar për ‘Dhunë në familje’./PrishtinaPress/
