Konfliktet që ndodhin brenda familjeve shpesh herë kapërcejnë muret e shtëpive, duke u dashur kështu intervenimi i organeve të rendit për të zgjidhur telashet. E në shumicën e rasteve viktima janë vajzat dhe gratë, të cilat përjetojnë dhunë nga anëtarët e familjes, raporton Gazeta Sinjali.
Ndihmën e Policisë e ka kërkuar së fundi një grua në Skenderaj, e cila ka pohuar se ka përjetuar dhunë fizike nga djali i bashkëshortit të saj.
Burimet e Gazetës Sinjali brenda Prokurorisë kanë bërë me dije se 72-vjeçarja ka pësuar lëndime trupore shkaku i dhunës dhe për këtë është detyruar të marrë ndihmë mjekësore.
Ndërkohë njësitë policore kanë shoqëruar në stacion policor 17-vjeçarin, i cili dyshohet se rrahu njerkën e tij.
Pas përfundimit të procedurave policore, Prokurori i Shtetit ka urdhëruar që i dyshuari të hetohet në liri për veprën penale ‘Dhunë në familje’.
