Një të riu nga Klina është duke iu keqpërdorur emri në një video që po qarkullon në rrjetin social TikTok.
Erlind Elezaj ka raportuar në Indeksonline se video e publikuar diku rreth një vit më parë, ku shihet një i ri duke marrë një biçikletë në një oborr, nuk ka të bëjë fare me të.
Ai thotë se për shkaqe akoma të panjohura, disa persona e kanë rikthyer videon në qarkullim, duke i vënë emrin e tij.
Kjo gjë po shqetëson familjen e Elezajt, i cili po pranon telefonata të shumta me pyetjet se a është ai pjesë e video-inçizimit.
Elezaj pohon se rastin e ka raportuar edhe në polici, teksa hetimet kanë nisur.
