Departamenti për Krime të Rënda i Gjykatës Themelore në Pejë, ia ka vazhduar paraburgimin edhe për dy muaj, të dyshuarit për vrasjen e nënës së tij në Pejë më 14 prill të këtij viti.
Vendimi i Gjykatës ka ardhur në bazë të kërkesës për vazhdim të paraburgimit nga Prokurori i Shtetit i Prokurorisë Themelore të Pejës.
Burime të “Indeksonline”, kanë bërë të ditur se i dyshuari për vrasje , po vazhdon të qëndrojë në Spitalin Psikiatrik në Pejë, derisa t’i përfundojë disa analiza.
Ndryshe, të pandehurit, sipas aktvendimit, “i vazhdohet masa e paraburgimit, e cila mund të zgjasë nga data 14.05.2023 e gjerë më datë 13.07.2023.