Kryetari i Komunës së Gjilanit, Alban Hyseni, priti sot në një takim ambasadoren e Kroacisë në Kosovë, Daniela Barishiq dhe zëvendësambasadorin Nedjelko Shpilek,
Sipas një komunikate për media, bëhet e ditur se Hyseni ata i informoi për punët dhe prioritetet e komunës.
“Sot pritëm në takim ambasadoren e Kroacisë në Kosovë Danijela Barishiq. E njoftova për angazhimin tonë në sektorin e zhvillimit ekonomik, arsimit dhe shëndetësisë”, tha Hyseni, transmeton Klankosova.tv.
I pari i Gjilanit, tha se kanë diskutuar gjithashtu për mundësitë e bashkëpunimit në sektorë të tjerë.
“Për miqësinë mes dy vendeve tona dhe bashkëpunimin në të ardhmen”, tha kryetari i Gjilanit.
Barishiq, shprehu gatishmërinë e bashkëpunimit në fusha të ndryshme me theks të veçantë në fushën e arsimit dhe kulturës, duke përfshirë këtu edhe shkëmbimin e studentëve.
Gjatë takimit është diskutuar edhe rreth mundësisë së binjakëzimit të Gjilanit me ndonjërin prej qyteteve të Kroacisë.