Drejtori Drejtorisë së Investimeve Kapitale dhe Menaxhimit të Kontratave në Komunën e Prishtinës Hysen Durmishi është shfaqur edhe një herë me temperament të lartë duke premtuar se Vetëvendosje do t’i ngreh zhag mediat kur ta marrë pushtetin.
Durmishi ka shkruar të premten në Facebook se mediave do t’i vijë fundi bashkë me pushtetin.
“Ju media të pushtetit a po mendoni ndonjëherë që i vie fundi edhe këtij pushteti kriminal. I vie fundi edhe këtij pushteti të Klanit Pronto. Do të ju vie fundi edhe juve bashk me ta. Mos mendoni se harrojmë. Më e pakta që duhet ta mendoni është që zvarrë do të nxjerrim e do të ju dërgojmë në burg o kriminel. Mos na lëndoni më shumë o të pështirë. Nuk ju falim kurr kriminel!” ka shkruar ai.
Vetëvendosje është duke kërkuar që të pushojnë hetimet për rastin Dehari dhe me rastin të merren hetues privatë. Ndërkohë qëndrimi i kësaj lëvizjeje është se Dehari është vrarë në burg ende pa dalë raporti i autopsisë.
